CLÁUSULAS ABUSIVAS NAS HIPOTECAS

Hoxe celebramos unha charla sobre cláusulas abusivas nas hipotecas. Os avogados Patricio Viveiro e Pablo Gallego informáronnos sobre as cláusulas abusivas mais frecuentes nas hipotecas e das posibilidades legais coas que contamos para tentar anulalas. Estas cláusulas están presente nunha parte importantes das hipotecas en vigo; entre elas cláusulas están as cláusulas solo, certas comisións, xuros de demora abusivos, etc. Cláusulas que nalgúns casos dan lugar a un substancial incremento do que pagamos cada mes. 

No coloquio posterior contestaron a distintas perguntas relacionadas coas hipotecas das persoas que asistiron á charla.

Se queres máis información sobre o tema non dubides en contactar con nós.

DACIÓN EN PAGAMENTO

Onte José Ángel e Mariela asinaron un acordo de dación en pagamento coa UCI (Unión de Créditos Imobiliários). Un acordo que se produce despois de moitos meses de negociacións entre Stop Desafiuzamentos Lugo e as/os afectadas/os coa UCI. Con esta sinatura ponse fin á angustia destas persoas por unha hipoteca que eran incapaces de pagar. Unha gran vitoria para Jóse Ángel e Mariela!

1º DE XUÑO. O POBO É QUEN MÁIS ORDEA!

Hoxe, 1º de xuño, manifestámonos em Lugo, ao igual que en outras cidades e vilas de Galiza e do resto da UE contra as políticas das Troika e dos gobernos.

Ao final da manifestación leuse o seguinte manifesto:


POBOS UNIDOS CONTRA A TROIKA. GALIZA CONTRA A TROIKA E AS POLÍTICAS DO GOBERNO

Os pobos de Europa están a sufrir un violento ataque do capital financieiro que se fai representar pola Troika (FMI, BCE, CE) e polos sucesivos gobernos que aplican as políticas concertadas con estas entidades desprezando ás persoas. Sabemos que esta ofensiva aposta por dobregar ós pobos, tornándoos escravos da débeda e da austeridade. Atravesa a Europa e tamén debe ser derrotada pola loita dos diferentes pobos.

Cada unha de nós, en cada nación coas suas especifidades, sentimos na nosa pel as medidas que aniquilan os dereitos conquistados ao longo de décadas. Medidas que agravan o desemprego, que privatizan todo aquelo que poida ser rendíbel e que condicionan a soberanía dos países baixo a propaganda da “axuda externa”.

A desigualdade social e territorial exténdese por toda a UE, a pobreza alcanza niveis alarmantes, a fame reaparece con forza. É urxente que unamos as nosas forzas para combater mellor este ataque; para enfrontarnos ás constantes reformas que nos deixan sen dereitos para darlles diñeiro aos bancos, ás grandes empresas, aos especuladores e aos corruptos.

O PP ataca os dereitos laborais e legais. Está a atacar as pensións, abarata o despedimento, reduce os salarios e crea paro e pobreza. Xa son 120 os millóns de persoas que se atopan en risco de exclusión social.

Na Galiza, maís de 663 mil persoas están nesta situación e maís de 72 mil nenas forman parte de familias que viven baixo o limiar da pobreza, segundo Unicef o 20% das nenas son pobres. Igualmente aproveitanse da crise para adoptar medidas retrógradas e involutivas de forte carácter ideolóxico no campo dos dereitos cívicos destinadas a frear e derrubar conquistas de colectivos sociais históricamente marxinados, coma poden ser todas aquelas políticas que atentan contra os dereitos sexuais e afecivos das persoas e que hoxe manifesta claramente o ministro Gallardon coa súa proposta de reforma da Lei do Aborto.

Mentres, en Madrid o PP e o Goberno aproba o roubo de ducias de miles de pequenas aforradoras e entrega as caixas de aforros en mans de grandes bancos. Ao mesmo tempo milleiros de traballadoras do sector bancario son despedidas para sanear as entidades que despois de seren saneadas serán entregadas como agasallo ao gran capital. Debemos reclamar como pobo ter nós o poder económico e non os grandes inversores, para poder crear emprego, para poder empregar os cartos naquelo que é necesario e non para financiar con empréstitos millonarios cun interes baixo os propios banqueiros.

A Xunta de Feijóo desmantela o ensino, a sanidade e os servizos sociais para así dar novas fontes de ingresos ás súas controvertidas amizades. Galiza enteira está a ser entregada ás transnacionais mineras mentres o noso sector agrario, en estado moribundo, segue esquecido e sen recibir o apoio dos gobernos, impedindo a existencia dun medio rural productivo, vivo e dinámico.

No sector naval, Feijóo está a ofertar unha suposta carga de traballo, con moita propaganda e pouca concreción, a costa de vender o avanzado nivel tecnolóxico dos estaleiros galegos a unha multinacional mexicana, quen a bo seguro cando se faga co control tecnolóxico deslocalizará a producción.

Na nosa terra destinanse instalacións de aviación civil como o Aeródromo de Rozas para servizo da OTAN, maquinaria militar ao servizo do imperialismo, para faceren experimentacións con avións non tripulados -chamados Drons ou “avións espía”- que se empregarán para a invasións e ataque contra a poboación civil, onde o capital pense que é necesario.

Afirmamos que están a matar a industria galega, a pesca, o noso agro, destruíndo milleiros de postos de traballo para favorecer a concentración da riqueza.

Dende os anos oitenta perdéronse medio millón de postos de traballo, a emigración segue a sangrar a nosa terra deixándonos sen mocidade. Cada día son 70 as mozas que abandonan Galiza en busca de traballo para ir a Canarias, Valencia, Madrid ou Berlín.

Aquelas que deciden non emigrar, e loitar por un futuro digno na nosa terra son castigadas con medidas represoras e antidemocráticas polo Capital, que criminaliza polo tanto a todas aquelas que tentan combater as súas politicas. Esto maniféstase no día a día a través de multas gubernativas, detencións, penas de cárceres para sindicalistas, xente sin recursos ou mesmo a dispersión de presas políticas, como é o caso das independetistas espalladas por cárceres de todo o estado, quenes se atopan na máis absoluta indefensión privados da liberdade durante meses e anos sen ser xulgados.

Esta crise está a ser aproveitada para acentuar a concentración da riqueza e do poder político o cal agrava a situación das nacións sen estado como Galiza. Na Unión Europea e no Estado Español estase e centralizar a capacidad de decisión cara a Bruxelas e Madrid afastando deste xeito os pobos da toma de decisións.

Se no pasado eramos cada día máis pobres coa excusa da construción europea, agora din que se debe á crise. Están a roubar aos pobos, a todos nós, para enriquecer os banqueiros. Este sábado e de hoxe en adiante mobilizarémonos para denunciar este roubo, para exixir un cambio nas políticas da UE, do Goberno e da Xunta de Galiza.

As galegas e os pobos de Europa, non queremos ser servos; queremos ser donas do noso destino.

Que se lixe a Troika! Que se lixe o Goberno!

O POBO É QUEN MÁIS ORDEA!

MANIFESTACIÓN O 1º DE XUÑO

Atendendo ao apelo lanzado polo movimento portugués "Que se lixe a Troika!" o próximo sábado, 1º de xuño, hai ducias de manifestacións convocadas ao longo de toda a Unión Europeia. Unha convocatoria para xuntarnos "num protesto internacional contra a troika e contra a austeridade, a favor de que sejam os povos a decidirem as suas vidas". Galiza uniuse a esta mobilización internacional con diversas convocatorias. Tamén en Lugo un amplo abano de colectivos entre os que está Stop Desafiuzamentos Lugo decidimos sumarnos a esta convocatoria co lema "Pobos unidos contra a Troika e as políticas do goberno".

A manifestación sairá ás 12h do Parque de Frigsa.

UNHA TREGUA PARA MANUEL

Houbo un primeiro acordo entre Manuel e o banco no que ten hipotecado o seu piso. A entidade financeira condónalle a metade da débeda que ten contraída, que ascendía a 1.558 euros, aprázalle dous meses o pago das cotas e rebáixalle a 190 euros a cota mensual a abonar durante un ano. Neste caso, o afectado chegou a pagar uns 25.500 euros en xuros (só 2.800 de amortización de capital) debido á imposición duns intereses abusivos, estabelecidos de xeito unilateral polo banco sen coñecemento da carga que representaban.

En STOP Desfiuzamentos Lugo, que estamos a acompañar a Manuel neste proceso de negociación, alegrámonos por este pequeno respiro e avisamos que segundo sexa a situación nos próximos meses, estudaremos a posibilidade de retomar as negociacións para garantir o dereito á vivenda desta familia.

(Link da nova no Pogreso)

ADMITIDA A TRÂMITE A ILP DA PAH

 Hoje, terça-feira 12 de fevereiro, o Grupo Popular decidiu dar marcha atrás e permitiu que a Iniciativa Legislativa Popular promovida pela PAH junto a outras organizações sobre a dação em pagamento, moratória dos despejos e aluguer social fosse finalmente admitida a trâmite no Congresso dos Deputados. Desde STOP Desafiuzamentos Lugo queremos mostrar a nossa satisfação por ver como esta proposta, na qual colaboramos recolhendo mais de 200 assinaturas em quase dois meses, supera a sua primeira barreira administrativa quando há uns dias tudo parecia impossível. Contudo, não pecaremos de ingénuos e ficaremos bem atentos ao processo de discussão desta Proposição de Lei, continuando com as mobilizações como a do #16F às 18:00h na Praça Maior.

Sem dúvida, o nervosismo no partido de governo e outros representantes do povo (sic) começa a ser mais que evidente. Como gritaram as companheiras da PAH no Pleno do Congresso: Si se puede!

 A propósito, as pessoas promotoras da ILP, entre as que se encontrava Ada Colau, foram expulsadas do Congresso (mesmo um detido), depois de sofrer um tratamento bem desigual ao dado aos promotores de essa outra ILP que hoje se examinou sobre uso de fundos públicos para organizar espetáculos taurinos. 

(Que No Te Hipotequen La Vida. Website da ILP.)

STOP DESAFIUZAMENTOS LUGO SÚMASE Á VAGA DE PROTESTAS CONVOCADAS EN TODO O PAÍS PARA O 16 DE FEBREIRO

O colectivo STOP Desafiuzamentos Lugo (SDL) realizará unha concentración ás 18:00h na Praza Maior de Lugo para defender o dereito á vivenda.

SDL chama aos lucenses á mobilizárense novamente contra a lei hipotecaria e a súa máis dramática consecuencia, os desafiuzamentos. Neste caso, o acto enmárcase nunha convocatoria conxunta dos colectivos de STOP Desafiuzamentos e PAHs que vai ter lugar en cidades de toda España baixo o lema “Polo dereito á vivenda. Contra o xenocidio financeiro, sinalamos aos responsábeis e exiximos dación en pagamento retroactiva, aluguer social e stop desafiuzamentos xa!”

Fronte os abusos das entidades financeiras e a complicidade do goberno, que lles da cobertura con unha lei inxusta que fai caer a responsabilidade sobre a parte máis vulnerábel, ao mesmo tempo que ese mesmo goberno destina miles de millóns de euros en axudas públicas á banca sen ningún tipo de compensación, a cidadanía mobilizada temos defendido o dereito á vivenda e proposto solucións para acabar con esta estafa.

Os diferentes colectivos implicados en esta loita temos axudado nestes anos a centos de familias sen que fose recibido recurso público algún e sufrindo o mais absoluto desprezo por parte das principais institucións do Estado. Por medio dunha ILP que foi avalada por mais dun millón de sinaturas, puxemos enriba da mesa as medidas de mínimos que debían ser aplicadas para solucionar o problema. Con esta Iniciativa, que inclúe a dación en pagamento retroactiva, o aluguer social e unha paralización inmediata dos desafiuzamentos en caso de vivenda habitual, esgotamos todos os mecanismos que nos ofrece o sistema para mudar a lei. Por iso advertimos que se for interrompida a súa tramitación, nun novo episodio de comportamento antidemocrático e servilismo fronte ao poder financeiro por parte dos representantes do pobo, verémonos completamente lexitimados a aumentar a presión social nas rúas. Por este motivo, queremos que o vindeiro 16F a cidadanía consciente encha as rúas de todas as vilas e cidades do país.

Porque non ten sentido que os bancos acumulen miles de predios baleiros mentres miles de familias fican na rúa, reclamamos dación en pagamento con carácter retroactivo, moratoria dos desafiuzamentos en vivenda habitual e aluguer social!

Porque o dereito á vivenda non se negocia, deféndense!

INICIO DO PROCEDIMENTO PENAL PARA DEFENDER AOS ANCIÁNS DE ORBAZAI E AO SEU NETO

O 29/01/2013 quedou presentada no Xulgado de garda denuncia verbal documentada, por comparecencia ante a xuíza de José Manuel acompañado da tía e madriña María José e do membro de SDL Pancho Torrente, da presunta falsidade do suposto contrato inicial de arrendamento da que se fai derivar toda a suposta débeda utilizada para intentar expulsar da súa vivenda aos anciáns de Orbazai.

Coa admisión desta denuncia pola xuíza de garda, que acreditou na verosimilitude da mesma, inícianse dilixencias previas en vía penal para a comprobación dos delitos e a depuración das responsabilidades que procedan, de forma que o neto e os anciáns de Orbazai deixan de ser tratados polo xulgado como supostos debedores obrigados a entregar a súa vivenda nun caso e o seu patrimonio noutro, e pasan a ser contemplados como presuntas vítimas de delitos ás que compre defender e resarcir dos danos e prexuízos inxustamente causados.

 SI SE PODE.

stopdesafiuzamentoslugo@gmail.com
668 893 615

STOP DESAFIUZAMENTOS SOLIDARÍZASE CON XOSÉ LUÍS E PIDE A PARALIZACIÓN DO DERRIBO DA SÚA CASA EN BECERREÁ

Ante a nosa imposibilidade de acudirmos estes días a Becerreá como colectivo, STOP DESAFIUZAMENTOS LUGO quere mostrar o seu apoio a Xosé Luís e familia así como aos numerosos veciños que se mobilizaron para impedir que derruben a casa onde investiron todos os seus aforros.
 

Non comprendemos como a Axencia de Protección da Legalidade Urbanística –dependente da Xunta de Galicia- empéñase en derrubar unha casa unifamiliar, que segundo declaracións do propio alcalde Manuel Martínez á Agencia EFE "non era unha derriba urxente nin necesaria neste momento, porque a casa non ten un gran impacto urbanístico"e ademais segundo este mesmo alcalde “O Concello iniciou os trámites para que o Plan Xeral o declárase como núcleo rural, o que podería dar cobertura legal a esta casa e a outras que tamén foron construídas no seu día de forma irregular, pero sobre as que non pesa orde de derriba". Alén diso, achamos que Xosé Luís xa fixo fronte a unha sanción económica por motivo da ilegalidade da súa vivenda e vemos excesivo o castigo que a APLU quere infrinxirlle agora. 

Con todo o apoio dun pobo e de todos os grupos políticos non entendemos como a Xunta é tan implacable neste caso concreto cando demostra unha clara permisividade e mesmo complicidade en outros casos moito mais sangrantes. Pomos como exemplo o acontecido no concello lucense de Barreiros, onde a burbulla inmobiliaria e a construción salvaxe encontrou o seu paraíso particular na provincia [1]. Pois ben, neste caso a Xunta apostou pola legalización da desfeita mediante un Plano Sectorial a cargo do erario público -máis de 14 millóns de euros- para violar a Lei do Solo e blanquear as presuntas infraccións urbanísticas de alcalde e promotores amigos.
 

Facemos un chamamento para que paren o derrubamento e a represión por parte das forzas de seguridade.

 

Vivenda sobre a que pesa orde de derribo. Fonte: La Voz de Galicia

CONCENTRACIÓN 20 DE XANEIRO

Máis de mil persoas concentrámonos este 20 de xaneiro fronte ao recinto no que se celebrou o congreso galego do PP. Alí estivemos Stop Desafiuzamentos de Lugo xunto ás compañeiras e os compañeiros de diversas plataformas de afectadas/os polas preferentes, traballadoras/es da empresa Alimentos Lácteos ou integrantes de SOS Sanidade Pública entre outros coletivos. Todas e todos defendendo un mundo no que non rouban ao pobo para enriquecer aínda máis aos banqueiros.

ROLDA DE PRENSA SOBRE O CASO DE ORBAZAI

Na seguinte ligazón pode-se aceder ao vídeo da rolda de prensa de 18 de xaneiro para denunciar o caso de Orbazai:
http://vimeo.com/57737063

STOP DESAFIUZAMENTOS LUGO DENUNCIA GRAVES IRREGULARIDADES NO PROCESO DE DESAFIUZAMENTO EN ORBAZAI E RECLAMA A SUA PARALIZACIÓN INMEDIATA

O próximo venres 18 de xaneiro ás 11:30h terá lugar na sala Sargadelos unha rolda de prensa conxunta da familia de Xosé e Isolina con STOP Desafiuzamentos Lugo para explicar os motivos desta denuncia pública.

Estamos ante un caso dramático, especialmente cruel polas circunstancias das vítimas, no que existen indicios suficientes de utilización de falsidades periciais varias como a cualificación de antigas abandonadas e sen valor das edificacións, entre as que se encontra a vivenda habitada polos dous anciáns desde fai décadas. Todo isto apunta á existencia de presuntos ilícitos penais que provocan o embargo e intento fraudulento de desafiuzamento, cun lucro totalmente desproporcionado para o embargante, que multiplica por mais de corenta ou cincuenta veces a débeda inicial reclamado fai tres anos -1.850 euros- ata superar desposesións e danos por valores moi superiores aos cen mil euros. 

Por estes motivos reclamamos:

1.- Ao Xulgado de 1ª Instancia nº 4 de Lugo que actúe coa máxima celeridade e poña fin inmediatamente á cruel e intolerable angustia desta familia, suspendendo inmediatamente un procedemento de desafiuzamento que nunca debeu ser iniciado e dando traslado do procedemento á Fiscalía para a investigación e depuración das responsabilidades penais que procedan

2.- Á Fiscalía de Lugo que abra inmediatamente dilixencias para a investigación das circunstancias presuntamente criminosas (entendemos que falsidade documental e estafa procesal) e depuración de responsabilidades

Por último, resaltar a preocupante realidade de que a aplicación nos xulgados da lexislación hoxe vixente permita fraudes e atrocidades como esta, que puido ter acabado fatalmente coa vida dos dous anciáns de non ser polo inmediato apoio familiar e a rápida reacción de denuncia pública iniciada pola filla do matrimonio afectado María José.  

Folla do PXOM onde especifica as características do núcleo rural da Malladoira, en clara contradición co documento pericial.